Mësimi do të rinisë nesër edhe në Deçan - Bota Sot
Mësimi do të rinisë nesër edhe në Deçan

Kosova

Mësimi do të rinisë nesër edhe në Deçan

Më: 20 janar 2019 Në ora: 22:29
Në Deçan nesër do të rinisë procesi mësimor.

Pas Junikut dhe Mamushës, edhe Komuna e Deçanit ka vendosur të bojkotojë grevën e Sindikatës së Bashkuar të Arsimit, Shkencës dhe Kulturës.

Në Deçan nesër do të rinisë procesi mësimor.

Lajmin e ka bërë të ditur kryetari i kësaj komune, Bashkim Ramosaj.

Nëpërmjet një njoftimi, të publikuar në Facebook, Ramosaj ka njoftuar se të hënën do të fillojë gjysmëvjetori i dytë në shkollat e Deçanit.

"Sonte në ora 21:00, së bashku me drejtorin e DKA-së, takuam në zyrën time drejtorët e shkollave të Komunës së Deçanit. Në këtë takim të jashtëzakonshëm u dakorduam që nesër të fillojmë me procesin mësimor", ka shkruar ai.

"Ftoj të gjithë mësimdhënësit dhe nxënesit që të jenë në objektet shkollore sipas orarit të rregullt", ka porositur Ramosauj.

"Kurse për nesër kam ftuar Këshillin Grevist dhe përfaqësuesit e Sindikatës që në ora 8:00 të jenë në takim ne zyrën e Kryetarit të Komunës, me qëllim ta tejkalojmë këtë situatë e cila pas deklaratës së Kryeministrit Haradinaj është e pa pranueshme të vazhdojë", ka bërë të ditur ai.

Vendimi i Komunës së Deçanit për të rinisur mësimin vjen pavarësisht vendimit të SBASHK'ut për të vazhduar grevën, edhe pas ofertës së Qeverisë Haradinaj për të rritur pagat e mësimdhënësve për 20 milionë euro në vit.

Nëpërmjet një komunikate për media, SBASHK'u ka thënë se oferta e kryeministrit Ramush Haradinaj "nuk i plotëson kërkesat".

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...