Orët e humbura në grevë do të zëvendësohen, MASHT mbledh drejtorët - Bota Sot
Orët e humbura në grevë do të zëvendësohen, MASHT mbledh drejtorët

Kosova

Orët e humbura në grevë do të zëvendësohen, MASHT mbledh drejtorët

Më: 11 shkurt 2019 Në ora: 14:14
Foto ilustrim

Ministri i Arsimit, Shkencës dhe Teknologjisë, Shyqiri Bytyqi sot është takuar me drejtorët e Drejtorive Komunale të Arsimit (DKA), me të cilët ka biseduar për shumë çështje të arsimit dhe përgatitjet për procese të rëndësishme në arsimin parauniversitar.

Në takim u diskutua është mundësia e zëvendësimit të orëve të humbura gjatë grevës në arsim dhe kohën më të përshtatshme kur mund të bëhet ky zëvendësim, por edhe për zbatueshmërinë së vendimit për ndalimin e përdorimit të telefonave nga nxënësit dhe mësimdhënësit gjatë orëve të mësimit. 

“Pas diskutimeve të shumta dhe sugjerimeve të marra nga përgjegjësit e arsimit nëpër komuna, MAShT do të dalë me një vendim të detajuar për kompensimin e orëve të humbura. Po ashtu, me përgjegjësit për arsim në komuna biseduam rreth zbatueshmërisë së vendimit për ndalimin e përdorimit të telefonave nga ana e nxënësve dhe mësimdhënësve gjatë procesit mësimor. Theksova se vendimi duhet të zbatohet në tërësi në bazë të Udhëzimit Administrativ dhe kërkova raporte nga DKA-të rreth zbatueshmërisë së këtij vendimi”, është shprehur Bytyqi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...