Kryesia e Organizatës së Veteranëve të Luftës së UÇK-së i shpreh ngushëllimet më të sinqerta familjarëve, miqve e bashkëpunëtorëve, me rastin e ndarjes nga jeta të akademik Idriz Ajetit.
“Emri i akademik Ajetit do të mbetet një nga emrat më të mëdhenj të gjuhës dhe kulturës shqiptare. Puna e palodhshme e tij, i ka bërë vend të rëndësishëm figurës së tij në historinë e popullit tonë”, thuhet në ngushëllim.
Akademik Idriz Ajeti ndërroi jetë sot në moshën 102-vjeçare. Varrimi i tij do të bëhet në varrezat e qytetit në Prishtinë.