Podujeva së shpejti binjakëzohet me qytetin Verlbert të Gjermanisë - Bota Sot
Podujeva së shpejti binjakëzohet me qytetin Verlbert të Gjermanisë

Kosova

Podujeva së shpejti binjakëzohet me qytetin Verlbert të Gjermanisë

Më: 26 mars 2019 Në ora: 10:01
Foto nga takimi

Vizita e delegacionit gjerman, që udhëhiqej nga dy deputetë të Kuvendit të kësaj komune, Burghardt Fulling dhe Hans-Werner Mundt, deputet dhe udhëheqës për Sport, është zhvilluar në kuadër të finalizimit të procesit të binjakëzimit midis dy qyteteve dhe marrjen e informacioneve të fundit, para se vendimi për binjakëzim të merret në kuvendin Velbertit.

Gjatë kësaj vizite, delegacioni gjerman ka zhvilluar vizita dhe takime nëpër institucione të ndryshme arsimore, organizata dhe klube sportive.

Në takimin e Kryetarit Agim Veliu me përfaqësuesit e qytetit gjerman është biseduar për procedurat dhe format e finalizimit të binjakëzimit, para miratimit pas pak ditësh nga Kuvendin e Velbertit.

Gjatë qëndrimit në Podujevë, mysafirët nga Velberti morën pjesë edhe në aktivitetin “Me biçikleta n’Pranverë”, i organizuar nga “Llapi Cycling Group”, me mbështetje të Komunës së Podujevës.

Delegacioni i këtij qyteti i cili qëndroi për vizitë në Podujevë, ishte në përbërje: Burghardt Fülling deputet i Kuvendit nga CDU, Hans-Werner Mundt, deputet i Kuvendit nga CDU dhe udhëheqës për Sport, Andreas Brembeck udhëheqës nga komiteti i Binjakëzimit për binjakëzimin e sporteve të dy qyteteve, Christian Geelen për Taekwondo, Helmut Gries i çiklizmit, Sascha Döring Gazetar i WAZ dhe udhëheqës i basketbollit, si dhe Rrahman Islami - nënkryetar për Integrim dhe Kryetar i miqësisë Velbert-Podujevë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...