Dita e hënë shumë familjarë i ktheu pas në kohë, duke ua kujtuar në këtë mënyrë plagën e përjetshme që u shkaktoi agresori serbë.
Ndonëse nuk e kishte fare të lehtë, Enver Duriqi ia mësyu ekzpozitës së hapur në kryeqytet e cila prezantoi veshëmbathjet e gjësende të ndryshme të fëmijëve të vrarë gjatë luftës së fundit në Kosovë.
Ani pse kanë kaluar shumë vite që nga mbarimi i luftës, Duriqi e ka të freskët plagën dhe dhimbjen që i shkaktuan serbët.
Me plotë mallë e me zemrën e djegur, ai po shikon nga afër fotografitë e e shumë fëmijëve, duke mos përjashtuar as të fëmijëve të tij.
Në një sfond të ekspozitës ndodhej edhe libreza e Arbërit, djalit të tij të vrarë më 28 mars të vitit 1999 në fshatin Obranqë.
Për Duriqin, notat shembullore të Arbërit janë njëri ndër kujtimet më të mira që i la ai.