Komuna e Skenderajt ka nderuar sot dëshmorët e Ushtrisë Çlirimtare të Kosovës Mustafë Haxhiu – Bacoku, Gëzim Ferizi, Isuf Aliçkaj, si dhe martirin Bedri Haxhiu, të cilët 20 vjet më parë ranë heroikisht për lirinë e popullit të Kosovës.
“Ne do të jemi përgjithmonë mirënjohës ndaj dëshmorëve dhe martirëve të Kosovës, të cilët përveçse në emër të lirisë së vendit, ata sakrifikuan që edhe ta zhvillojmë dhe begatojmë vendin tonë. Lavdi dëshmorëve dhe martirëve të kombit”, shkruan Bekim Jashari, kryetar i Komunës së Skenderajt në një postim në llogarinë e tij në Facebook.
