Kandidati për kryeministër i AAK-PSD, Ramush Haradinaj, ka shpalosur zotimet bazike të platformës zgjedhore, duke nisur nga zgjerimi i listës së lëndës së parë për ta përkrahur prodhimin, lirim nga tatimi në fitim për produktet që eksportohen, eliminim i burokracisë në ATK, vetëm katër përqind tatim në të ardhura për punëtorët në prodhim dhe kompensim të 50% të pagave për çdo punësim fillestar.
Ai këto komente i bëri gjatë vizitës në njërën nga ndërmarrjet tregtare prodhuese në Viti.
“Në ndermarrjen tregtare prodhuese "Mërgimi" në Viti, me pronar Rizajet Kamberi, që merret me prodhimin e mobilieve dhe shitjen e materialit për elektrikë, shpalosa zotimet bazike të platformës sonë zgjedhore, duke nisur nga zgjerimi i listës së lëndës së parë për ta përkrahur prodhimin, lirim nga tatimi në fitim për produktet që eksportohen, eliminim I burokracisë në ATK vetëm katër përqind tatim në të ardhura për punëtorët në prodhim dhe kompensim të 50% të pagave për çdo punësim fillestar. Koncepti 100% shtet i përket biznesit privat, prodhuesit dhe produktit vendor 100% Kosovë”, ka shkruar ai.