Ministri i Punëve të Brendshme dhe Administratës Publike, Agim Veliu, është takuar me eurodeputetin gjerman dhe zëvendëspresidentin e Parlamentit Europian Rainer Wieland.
Në këtë takim është biseduar për bashkëpunimin në mes të Kosovës dhe Gjermanisë në fushën e administratës publike.
Veliu e ka njoftuar delegacionin gjerman për planet e MPBAP-së në luftën kundër të gjitha formave të krimit dhe korrupsionit dhe ka kërkuar vazhdimin e bashkëpunimit në këtë drejtim.
Gjithashtu, ai i ka informuar për angazhimet në drejtim të avancimit të administratës publike, që është një ndër kriteret në procesin e liberalizimit të vizave me Bashkimin Europian.