Nënkryetari i Komunës së Podujevës, Nexhmi Rudari, ka dhënë lajm të mirë për qytetarët e Llapit.
Ai ka njoftuar se në këtë komunë më nuk asnjë person të infektuar me COVID-19.
Sipas Rudatit, Instituti Kombëtar i Shëndetësisë Publike të Kosovës ka konfirmuar se pacienti i katërt nga Komuna e Podujevës, që kishte rezultuar pozitiv me COVID-19 para disa ditësh, pas analizave të kryera sot ka rezultuar i shëruar.
Asnjë i infektuar me Covid-19 në Komunën e Podujevës. Sonte ka rezultuar negativ edhe rasti i fundit. Ruani shëndetin tuaj dhe të familjeve tuaja! Rrini në shtëpi!”, ka shkruar Rudari.
Në Komunën e Podujevës kishte katër raste të personave të infektuar me COVID-19, ku fatkeqësisht një i moshuar ndërroi jetë, që ishte edhe viktima e parë e coronavirusit në Kosovë.
Ndërsa tre personat e tjerë tashmë janë të shëruar, duke e bërë këtë komunë pa raste me këtë virus.
