Kryetari i Mitrovicës, Agim Bahtiri, ka uruar festën e Fitër Bajramit duke thënë se, e presim me gëzim Fitër Bajramin, por jemi të kufizuar në faljen e tij dhe lëvizjet tona që duhet të jenë të kufizuara për shkak të pandemisë.
Postimi në Facebook:
Të dashur besimtarë të fesë Islame,
URIME FESTA E FITËR BAJRAMIT!
Ky muaj i madhërishëm i Ramazanit ishte më sfidues se sa herave tjera, pasi që krahas agjërimit kemi pasur edhe një obligim të rëndësishëm njerëzor, të mbrohemi nga koronavirusi COVID-19.
Uroj që secilit prej agjëruesve t'iu është pranuar sakrifica e agjërimit dhe lutjet nga Allahu.
Nesër e presim me gëzim Fitër Bajramin, por që jemi të kufizuar në faljen e tij dhe lëvizjet tona që duhet të jenë të kufizuara për shkak të pandemisë.
Paqja, solidariteti, begatia, harmonia dhe mirëqenia, ju përcjellshin në këtë festë dhe gjatë gjithë jetës.
AB
