Shërohet edhe personi i 74-të në Malishevë dhe mbetet vetëm edhe një rast aktiv me COVID-19 - Bota Sot
Shërohet edhe personi i 74-të në Malishevë dhe mbetet vetëm edhe një rast aktiv me COVID-19

Kosova

Shërohet edhe personi i 74-të në Malishevë dhe mbetet vetëm edhe një rast aktiv me COVID-19

Më: 27 maj 2020 Në ora: 21:55
Malishevë

Sot është shëruar edhe një person nga Komuna e Malishevës, i cili ishte i prekur me COVID-19, duke e quar numrin e të shëruarve në 74 dhe më këtë mbetet vetëm edhe një rast aktiv. Shërimi i pacientit të 74 është konfirmuar në raportet e komunikimit zyrtarë në mes të komunës dhe Institutit Kombëtar të Shëndetësisë Publike, si dhe nga vet personi i shëruar.

Nënkryetari i Komunës së Malishevës, Hajdin Berisha e ka konfirmuar shërimin e pacientit dhe e ka uruar atë, dhe në të njëjtën kohë i dëshiron shërim sa më të shpejtë edhe pacientit të fundit, i cili është në fazën e fundit të shërimit.

“Shfrytëzoj rastin ta uroj të shëruarin, si dhe pacientit të fundit ti dëshiroj shërim sa më të shpejt. Po ashtu me këtë rast falënderoj të gjithë profesionistët shëndetësor dhe profesionistët e IKSHP-së, me në krye dr.Naser Ramadanin, për bashkëpunimin e jashtëzakonshëm në luftën e përbashkët ndaj COVID-19”, ka thënë nënkryetari Berisha, në emër të shtabit komunal për menaxhimin e situatës me COVID-19 në Malishevë.

Po ashtu nënkryetari Berisha, ju ka bërë thirrje edhe njëherë të gjithë qytetarëve të Komunës së Malishevës, që pavarësisht heqjes së kufizimit të lëvizjes dhe hapjes së xhamive, të vazhdojnë të jenë të kujdesshëm, sikur deri më tani dhe ti zbatojnë rekomandimet e institucioneve shëndetësore, në mënyrë që mbrohemi nga prekja me virusin korona, pasi kjo është mënyra vetme e luftimit të këtij virusi.

Shfaq komentet
comments powered by Disqus
Sot mund të lexoni Shfletoni kopertinat