Ministri i Arsimit dhe Shkencës, Ramë Likaj, së bashku më zv.kryeministren, Albulena Balaj – Halimi, kanë bërë përurimin e dy objekteve të reja shkollore, në fshatrat Dobërdelan dhe Leshan të Komunës së Suharekës.
Në këtë përurim, prezentë ishin edhe Ministri i Zhvillimit Ekonomik, Blerim Kuçi si dhe kryetari i Komunës së Suharekës, Bali Muharremaj.
Gjithashtu, gjatë ditës së sotme nga të lartcekurit u vu edhe gurëthemeli i një çerdhe në këtë komunë.
Likaj në ceremonitë e përurimit të shkollave uroi të pranishmit, në veçanti uroi nxënësit e klasave para-fillore dhe ata të klasës së parë, duke iu dëshiruar suksese në jetë dhe në karrierën e tyre.