Në Sallën e Kuvendit Komunal nën kryesimin e nënkryetarit të Komunës Fauz Xhemajli është mbledhja e rregullt Komunal për Siguri në Bashkësi (KKSB), ku temë diskutimi ishte gjendja e sigurisë në Komunën e Lipjanit.
Nënkryetari Xhemajli tha se gjendja e sigurisë në Komunën e Lipjanit aktualisht është e mirë dhe se duhet angazhim maksimal i të gjithëve që kjo situatë e qetë dhe stabile të vazhdoj edhe më tutje edhe anëtarët e tjerë të KKSB-së të pranishëm në këtë mbledhje vlerësuan si të qetë dhe stabile gjendja e sigurisë në komunën tonë.
Në këtë takim, po ashtu u diskutua edhe për bashkëpunimin e Inspektoriatit komuanl me Stacionin Policor në Lipjan dhe angazhimin e tyre të përbashkët në zbatimin e urdhëresave dhe vendimeve të qeverisë së Kosovës si dhe respektimin e Ligjit për Pandeminë.
KKSB ka bërë thirrje që edhe më tutje të zbatohen rekomandimet e Institutit Kombëtar të Shëndetësisë Publike të Kosovë.
