Shkolla “Gjergj Kastrioti-Skenderbeu” në fshatin Pantinë është përuruar tash së fundmi, mirëpo këtij objekti po i mungon kuadri arsimor.
Klasa e tretë, nga fillimi i këtij viti nuk ka mësues fare. Ata i mëson nganjëherë një mësuese e klasës së parë, e nganjëherë kush të gjejë kohë.
Një prind i ka thënë “Jepi zë” se fëmijën e tij dhe të tjerët, po i mëson kushdo që mundet.
Kjo, sipas tij, do të bëjë që fëmijët të mbesin mbrapa me mësime dhe natyrisht që paraqet shqetësim për të dhe prindërit e tjerë.
“Pershendejt deshta te boj edhe un i ankes ne fshatin Pantine komuna e Vushtrris ne shkollesn Gjergj Kastrioti -Skenderbeu, ne Pantine nxensit e klases se 3 jan pa mesuese prej fillimit te kti vitit, nuk kan mesuese, nxensit i meson msusja e klases pare e her kusht te mundet femijet po jesin mbrapa me mesime , ka thënë prindi.
Duhet theksuar se ky fenomen i mungesës së personelit mësimor po i përcjell edhe disa shkolla të Mitrovicës.
