Miratohet lista e shërbimeve esenciale që do të kryhen nga gjykatat

Kosova

Miratohet lista e shërbimeve esenciale që do të kryhen nga gjykatat

Më: 24 nëntor 2022 Në ora: 12:50
KGJK

Këshilli Gjyqësor i Kosovës (KGJK) sot ka informuar se ka miratuar listën e shërbimeve esenciale që do të kryhen nga gjykatat, nga sot e deri më 8 dhjetor 2022.

Siç ka informuar KGJK, vendimi hyn në fuqi sot.

Ndryshe, Këshilli Gjyqësor i Kosovës në mbledhjen e jashtëzakonshme që ka mbajtur dje, ka marrë vendim për reduktimin e punës së gjykatave dhe të njëjtat do të punojnë vetëm për shërbimet esenciale. Këshilli ka kërkuar nga qeveria e Kosovës të anulojë vendim për uljen e pagave dhe e ka quajtur atë kundër kushtetues. Sipas tyre, një vendim i tillë është dekurajim për gjyqtarët dhe do të ndikojë në luftimin e krimit dhe korrupsionit.

Në mbledhjen e djeshme, qeveria e Kosovës ka marrë vendim për uljen e pagave për gjyqtarët dhe prokurorët. Qeveria ka vendosur që pagat në sistemin e drejtësisë t’i kthejë si para vitit 2017.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat