Komisioni Qendror i Zgjedhjeve ka njoftuar se ka filluar procesi i votimit në Komunën e Drenasit për raundin e dytë të zgjedhjeve të jashtëzakonshme për kryetar të kësaj komune.
Sipas KQZ-së, fletëvotimet dhe materiali tjetër sensitiv është shpërndarë në të gjitha vendvotimet sipas planifikimeve me planin operacional të miratuar nga KQZ-ja.
Gjithashtu, sipas raportit nga Komisioni Komunal i Zgjedhjeve, të gjitha vendvotimet janë hapur në kohën e paraparë.
Lista përfundimtare e votuesve e certifikuar nga KQZ-ja përmban 52 mijë e 569 emra të votuesve në këtë komunë, e cila ka 28 qendra votimi me gjithsejtë 72 vendvotime.