Lladrovci bën marrëveshje me GIZ-in gjerman për Planin Zhvillimor Komunal - Bota Sot
Lladrovci bën marrëveshje me GIZ-in gjerman për Planin Zhvillimor Komunal

Kosova

E hënë, 19 nëntor 2018

Lladrovci bën marrëveshje me GIZ-in gjerman për Planin Zhvillimor Komunal

Më: 12 korrik 2018 Në ora: 17:26
Lladrovci të enjten ka nënshkruar Memorandum të Mirëkuptimit me GIZ-in gjerman

Kryetari i Drenasit, Ramiz Lladrovci të enjten ka nënshkruar Memorandum të Mirëkuptimit me GIZ-in gjerman për bashkëfinancimin e hartimit të Planit Zhvillimor Komunal për Komunën e Drenasit.

Fillimisht, ai ka prezantuar punët dhe projektet që do të kryhen gjatë mandatit të tij për të mirën e qytetarëve dhe ka kërkuar që gjatë hartimit të Planit Zhvillimor Komunal dhe Hartës Zonale Komunale, prona që është në komasacion të trajtohet sipas ligjeve aktuale që janë në fuqi.

Përfaqësuesi i GIZ-it, Shkelqim Daci ka falënderuar kryetarin Lladrovci dhe Komunën e Drenasit për bashkëpunimin e treguar dhe ka shtuar se realizimi i këtij projekti ka një rendësi shumë të madhe për zhvillimin ekonomik të Drenasit. Ne këtë takim janë prezantuar edhe ekipa që do të punoj në fazat e realizimit të PZHK-së.

Komuna e Drenasit ditë me parë ka përfunduar takimet e para me qytetar në 10 zona të bashkësive lokale për të prezantuar dhe diskutuar Planin Zhvillimor Komunal si dhe Hartat Zonale Komunale.

Sot mund të lexoni Shfletoni kopertinat
Sondazh
test