Të rinjët me aksionin “Kujtimet e Luftës në Therra” - Bota Sot
Të rinjët me aksionin “Kujtimet e Luftës në Therra”

Kosova

Të rinjët me aksionin “Kujtimet e Luftës në Therra”

Më: 10 dhjetor 2018 Në ora: 15:49
Aksioni “Kujtimet e Luftës në Therra”

Nisma e të Rinjëve për të Drejtat e Njeriut në Kosovë (YIHR KS), me një aksion simbolik mbajti aktivitetin me moton “Kujtimet e Luftës në Therra”.

Njëra nga hulumtueset nga kjo organizatë, Bjeshka Guri,   tha se ky aksion është ftesë për rritjen e ndërgjegjies dhe përgjegjësisë publike për të çliruar kujtimet e luftës nga harresa jonë individuale dhe kolektive.

Në të njëjtën kohë sipas saj  është edhe  thirrje për Qeverinë për të bërë angazhim intenziv për të mundësuar krijimin e një kujtese kolektive, të paanshme dhe të çliruar nga dozat nacionaliste. 

Guri përmendi  nevojën për të hedhur dritë mbi të kaluarën e luftës së fundit në Kosovë.      

Guri:  Kërkojmë drejtësi për të gjitha viktimat dhe të mbijetuarit e luftës 

“Në vazhdën e përpjekjeve tona të vazhdueshme për të hedhur dritë në të kaluarën si për përkujtim të më shumë se 13 mijë të vrarëve, kërkimi i drejtësisë  dhe të vërtetës për më shumë se 1600 personave të pagjetur, luftimin e stigmës për më shumë se 20 mijë viktimave të dhunë seksuale, avokim për reforma institucionale, memorializim të luftës dhe të tjera, sot në ditën Ndërkombëtare Për të Drejtat e Njeriut ne kujtojmë dhe kërkojmë drejtësi për  të gjitha viktimat dhe të mbijetuarit dhe të mbijetuarat të luftës së fundit në  Kosovë”, tha Guri.

Aktivistë të kësaj organizate kanë vendosur në sheshin “Skënderbeu” një instalacion prej telave me gjemba e që në to janë vendosur rroba, kukulla, qirinj dhe gjësende të ndryshme.

Ky aktivitet është mbajtur në ditën kur ka filluar edicioni i pestë i Javës për të Drejtat e Njeriut, i cili do të zgjasë deri më 14 dhjetor(të premten).

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...