Do të çelin lulet
Kur të vish sërish
Gurgullimi i lumit
Prapë qetësinë do prish
Dhe zëri i gushëkuqëve
Prore do t’ buçasë
Kurrë në zemrat tona
S'do të ketë maraz
Në dallgët e jetës
Ti do rrish me ne
Porsi dallëndyshja
Në t'ngrohtën fole
Prore n' shpirtin tim
Je margaritar
Mbretëreshë n'timen zemër
Më i shtrenjti thesar
Kur të vish tek unë
Lulja do të çel
Do t' ketë kuptim jeta
Pasha qiell e diell
Tek unë kur të vish
Do të mbushem me gëzim
Dhe valle do t'hedhim
Deri në agim.