Ndoshta ka ardhur koha
Kur duhet fshehur dashurinë
E ta mbathim e veshim
Me lecka zbatharakësh
Ndoshta koha ka ardhur
Kur duhet fshehur dhe besnikërinë
E ta ruajmë e mbrojmë
Prej të pabesësh e matrapazësh
Koha ndoshta ka ardhur
Kur duhet thënë zëshëm e vërteta
E ta ruajmë prej të ligjsh
Se na dënon jeta
Ka ardhur ndoshta koha
Kur dhe poezia është një padrejtësi
Sepse e thotë një të vërtetë
Që s'na pëlqen mua, këtij e atij