Të nderuar lexues!
Sapo të filloni të lexoni poezitë e këtij vëllimi poetik të poetit Jan
A.Kosova,do të befasoheni.Fillimisht po ju jap një këshillë:mos e filloni
leximin e këtij libri në mbrëmje,sepse do të mbeteni pa gjumë,nga dëshira
për t'i lexuar sa më shpejt të gjitha poezitë.Nëqoftëse do ta filloni
leximin në mëngjes,dijeni se do të mbeteni pa drekë,aq më tepër n.q.se do
t'ia jepni bashkëshortes për lexim,ajo do të harrojë të gatuaj drekën për ju
dhe familjen.
Pasi t'i keni lexuar të gjitha poezitë,ju do të pyesni:si ka mundësi që ky
poet s'është radhitur ndër emrat më të njohur të poetëve tanë ?Përgjigja
është e thjeshtë : modestia e tepruar e poetit.Historia ka njohur raste
që,shumë talente,janë bërë të njohur me vonesë.Anshtanji u vlerësua nga
mësuesi si një nxënës shumë i dobët në fizikë,por ai u bë gjeni.Fan
Nolin,Maria e fuste në thes për ta çuar në shkollë,por më vonë ishte ky Nol
që mbaroi 3 fakultete dhe zotëronte shumë mirë 16 gjuhë.
Jan A.Kosova e ka nisur qysh herët rrugën e poezisë.Ai,edhe pse në
profesionin e mjekut,nuk iu nda krijimtarisë poetike,pa e ditur se ajo
kishte vlera të tilla që mund t'u shërbenin jo thjesht miqve e shokëve,por
një shoqërie të tërë.Po deri më sot ky poet kishte vendosur t'i ngjante
Konicëms, që i hidhte dorëshkrimet e tij,apo F.Kafkës që e porositi mikun e
tij M.Brond që t'i digjte shkrimet e tij pasi t'i lexonte,sepse i quante të
pavlefshme.
J.A.Kosova mund të quhet pa frikë një poet i afirmuar,paçka se
nuk e ka reklamuar veten. Poezitë e tij janë tepër origjinale në stil,për
t'u pasur zili edhe nga poetë më në zë.Edhe pse mund të trajtojnë të
njejtin motiv,poezitë nuk përsëritin njera-tjetrën.Tematikën e poezive të
këtij poeti e përbën binomi: dashuria e pastër dhe malli për vendlindjen.Në shumë prej tyre do të ndeshim
Bukuroshen e Dardanisë që është bashkëshortja e poetit,tri lulet ( tre
fëmijët) dhe bjeshkët (Dardania)që është vendlindja e këtij poeti,të cilin
edhe ju do ta quani me të drejtë "poeti i dashurisë". Jan A.Kosova të
befason me figuracionin e tij të larmishëm të përdorur me masë,me fjalorin e
tij poetik,me mesazhet madhore që përcjellë nëpërmjet
vargjeve.
Metaforat,personifikimet,epitet dhe krahasimet i bëjnë poezitë e
Kosovës që të mbahen mend gjatë.Ato seç kanë një ëmbëlsi,një muzikalitet të
pashoq,që e shoqëron lexuesin gjatë gjithë vëllimit,të cilin autori e ka
titulluar "Rebel i dashurisë".Vërtet poeti është "rebel",por në mbrojtje të
dashurisë.
Për të mos u zgjatur,ju do të bindeni vetë për këto radhë,që janë fare pak
për këto poezi me vlera të shumta artistike.Autori ka edhe shumë poezi të
tjera plot vlera,të cilat,jam i bindur se do t'i botojë në vëllime të tjera poetike.
Më mbetet t'ju uroj lexim të këndshëm dhe kam besim se nuk do të mbeteni të
zhgënjyer nga këta pak rreshta që kam shkruar për këtë "poet të heshtur" që
deri më sot i ngjan një monedhe ari,mbuluar me pluhur,i cili nuk e lë t'i
dalin në pah vlerat.Unë,nëpërmjet këtyre rreshtave,u mundova ta fshij këtë
pluhur,për t'i dhënë shkëlqimin e vërtetë kësaj monedhe të hedhur,por që
kushdo ia di vlerat,pa folur të tjerët për 'të.Dhe ju do t'i shikoni vetë
këto vlera.
