Vuçiq: Nervozë në Prishtinë, kam frikë se pas taksave mund të ketë ndonjë hap tjetër - Bota Sot
Vuçiq: Nervozë në Prishtinë, kam frikë se pas taksave mund të ketë ndonjë hap tjetër

Lajme

Vuçiq: Nervozë në Prishtinë, kam frikë se pas taksave mund të ketë ndonjë hap tjetër

Nga: F.B Më: 13 shkurt 2019 Në ora: 12:49
Aleksandar Vuçiq

Presidenti I Serbisë Aleksandar Vuçiq ka thënë se dëshiron që Prishtina të heq taksen dhe të vazhdohen bisedimet, përderisa nuk ka bisedime ka rrezik për dhunë ndaj banorëve serbë , ka deklaruar për Tv Pink, transmeton “Bota Sot”.

Lidhur me paralajmërimin për heqjen e taksave, Vuçiq ka thënë se ai këtë ka kohë që e mendon.

"Të shohim çka pason, mendoj se kur është fjala për presione verbale, mund të themi se është në rregull çdo gjë që kanë bërë partnerët perëndimor, faleminderit kinezëve dhe rusëve që janë pranë neve. Sot ekziston unitet në dënimin e kësaj çështje në botë“, porosit ai.

Ai ka komentuar edhe deklaratat që janë thënë dhe heqjen e tyre, ndërkohë që ai thotë se në Prishtinë do përpiqen të ruajnë fytyrën e Haradinajt dhe të vazhdojë si kryeministër, ndërsa barra do ndahet mes partive tjera. 

"Ata do të bëjnë këtë lojë, por është çështja e tyre, për ne është me rëndësi heqja e taksave se kemi 40 milionë humbje që është e rëndë për shtetin tonë", theksoi Vuçiq. 

Vuçiq ka thënë se kur kalojnë 90 ditë do të angazhojnë mekanizmat tjerë në CEFTA dhe BE. 

"Ka një nervozë në Prishtinë dhe shqetësohet nëse ata pas taksës do të ndërmarrin ndonjë hap tjetër. Ajo që më frikëson në Kosovë është se mund të ketë dhunë dhe dëbim për banorët serbë", tha ai.

Sipas tij Serbia po angazhohet me partnerët ndërkombëtar në forcimin e pozitës dhe heqjen e taksave sepse përderisa nuk ka bisedime ka mundësi për konfrontim. 

"Kur bisedohet, është vështirë të priten konfrontime, kur nuk ka kthehemi prapa dhe faji i mbetet Serbisë”, tha Vuçiq që shtoi se raportet mes Prishtinës dhe ShBA-ve janë strategjike.

Ai ka përmendur takimin e Mynhenit me temë sigurinë ku do të marrin pjesë zyrtarë nga e gjithë bota, përfshirë Volfgang Ishinger edhe shtetarë tjerë që nuk ishin pjesë e Davosit.

Temë kryesore sipas tij është ndalimi i Kinës synim i vendeveve perëndimore dhe raportet me Rusinë, ku pritet të marr pjesë edhe diplomati Sergej Lavrov me të cilin do të takohet.

Në konferencën e sigurisë në Mynhen do të marrin pjesë edhe zyrtarët e lartë nga Prishtina Thaçi, Haradinaj dhe Hoxhaj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...