Deri para një viti gjithçka po shkonte mbarë në familjen e mësueses Xufe Gashi nga Kijeva, e martuar në qytetin e Obiliqit, ku edhe jepte mësim në shkollën “Ibrahim Rugova”. Xufa nënë e tre fëmijëve (Argjira, Artasi dhe Loriku) bënte një jetë normale dhe çdo gjë po i shkonte mbarë derisa u diagnostifikua me kancer, çka u detyrua të lë vetëm fëmijët e saj si dhe nxënësit për të marrë rrugën drejt Austrisë për t’u kuruar ku edhe ju nënshtrua një operacioni. Por Xufa vazhdon ta ketë gjendjen e rëndë dhe vazhdon të jetë e shtrirë prej gjashtë muajsh në një nga spitalet e Vienës dhe duhet urgjentisht ti nënshtrohet operacionit të dytë, por për ta kryer i duhet shuma në vlerë prej 70 mijë euro. Në pamundësi për ta përballur këtë shumë të madhe ajo ka nevojë për ndihmën e të gjithë njerëzve të vullnetit të mirë.
Labinot Gashi nga Kijeva, vëllau i Xufes kërkon nga të gjithë shqiptarët kudo që janë të kontribujnë aq sa munden që të mbledhet shuma e nevojshme prej 70 mijë euro, që motra e tij t’i nënshtrohet operacionit.
“U bëjë thirrje të gjithë shqiptarëve përmes medias suaj ‘Bota Sot’ të kontribuojnë me aq sa kanë mundësi, pasi kjo shumë është e papërballueshme për familjen. Çdo ndihmë e tyre sado e vogël që mund të jetë ka vlerë tejet të madhe për jetën e motrës sime, që ajo të hy dhe në operaiconin e dytë dhe ngadalë t’i përmirësohet shëndeti dhe t’i kthehet së pari familjes, veçanërisht tre fëmijëve të saj, e më pas edhe nxënësve që vërtetë shumë e ndjejnë mungesën e saj”, thotë vëllau i Xufes për gazetën “Bota Sot”.
Ai shpreson që thirrja e tij të dëgjohet shumë edhe nga bashkatdhetarët, pra kosovarët që jetojnë në diasporë të cilët çdo herë ndihmojnë njerëzit në nevojë që janë në Kosovë.
“Duke ditur se gazeta juaj dhe portali janë jashtëzakonisht të lexuar në diasporë, ju bëjë thirrje të gjithë bashkatdhetarëve të japin kontribut aq sa munden për rastin e motrës sime, që asaj t’i kthehet sërish buzëqeshja dhe me ndihmën e Zotit të jetë sërish pranë fëmijëve e familjes si dhe nxënësve e kolegëve, pra t’i kthehet jetës normale”, thotë Labinot Gashi.
Ai tregon se si fëmijët janë tejet të mërzitur dhe në vazhdimësi pyesin për nënën e tyre.
“Tre fëmijët e motrës sime janë shumë të mërzitur dhe çdo ditë pyesin: kur do shërohet nëna? Kur do vije në shtëpi?. Ne sigurisht se po i themi se së shpejti do vije, sigurisht pa mundur t’i dhënë një përgjigje të saktë. Andaj mbledhja sa më shpejt e mjeteve prej 70 mijë eurove do thotë një mundësi më e madhe që motra ime sa më shpejt të kthehet së pari pranë tre fëmijëve të saj, burrit e familjes së ngushtë dhe më pas edhe nxënësve. Përmes medias suaj falënderoj gjithë njerëzit e vullnetit të mirë që kanë kontribuar dhe që do të vazhdojnë ta bëjnë këtë që motrës sime t’i mundësohet operimi sa më shpejt. Gjithësesi ju falënderoj edhe juve, pra, gazetën kombëtare ‘Bota Sot’ që mundësuan ta paraqesim në mënyrë sa më të detajuar rastin e motrës sime dhe ju dëshiroj suksese të vazhdueshme”, thotë Gashi.
Të gjithë ju që mund të kontribuoni më poshtë keni të dhënat se në cilat banka mund ta bëni këtë:
NR. I XHIROLLOGARISË PËR KOSOVË:
BANKA NLB.
EMRI: XUFE GASHI.
NR I XHIROLLOGARISË: 1712100012268995.
NR I XHIROLLOGARIS PER AUSTRI
BANKA: BAWAG PSK
EMRI: XUFE GASHI.
NR I XHIROLLOGARISË: AT816000010410029478
