Hoti kërkoi mbylljen e kazinove, vjen reagimi i Shoqatës së Lojërave të Fatit - Bota Sot
Hoti kërkoi mbylljen e kazinove, vjen reagimi i Shoqatës së Lojërave të Fatit

Lajme

Hoti kërkoi mbylljen e kazinove, vjen reagimi i Shoqatës së Lojërave të Fatit

Më: 21 mars 2019 Në ora: 18:38
Avdullah Hoti

Ngjarje të rënda ndodhën kohëve të fundit në kazionit e vendit tonë, ku vetëm për një javë mbetën pa shenja jetë dy persona, në vende të ndryshme.

Avdullah Hoti ka bërë të ditur se partia e tij do të kërkojë nga Kuvendi që të mbajë një seancë të jashtëzakonshme, ku do të kërkojnë pezullimin e aktivitetit të kazinove dhe lojërave të fatit në Kosovë.

Pas kësaj, sot ka reaguar Kryetari i Shoqtatës së Lojërave të Fatit, Istref Veliu i cili ka thënë se Hoti përmes kësaj po mundohet të përfitoj politikisht duke përdorur dy rastet e fundit që ndodhën në dy lokale të lojerave të fatit.

Veliu përmes një reagimi, e ka quajtur të turpshme iniciativën e Hotit që të thirrë seancë të jashtëzakonshem e që sipas tij do të përfitoj në emër të viktimave.

“Është e turpshme z.Hoti që viktimat t’i përdorni si arsyetim për thirrjen e një seance të jashtëzakonshme për mbylljen e lojërave të fatit. Sa për sqarim të opinionit, pothuajse që nga paslufta përveç këtyre dy rasteve, nuk ka pasur asnjë rast të krimeve në bizneset e lojërave të fatit.

z.Hoti ju me vetëdije duke e ditur ndjeshmerin e këtij biznesi po e shfrytëzoni situatën politikisht dhe po mendoni se do të përfitoni në opinion” ka thënë Veliu.

Ai mes tjerash i ka kujtuar Hotit, kohën kur ishte në qeveri dhe iniciativen e tij që me ligj të rregullohej veprimtaria e lojërave të fatit, por edhe grabitjet e shumta që po ndodhin nëpër institucione financiare për të cilat deri tani askush nuk ka thirrur ndonjë seancë të jashtëzakonshme.

“Me logjikën tuaj z.Hoti pas këtyre rasteve bankat do të duhej të mbyllen bashkë edhe me këto institucione të sigurisë. Po ju kujtojë edhe një iniciativë tuajën në kohën kur keni qenë pjesë e qeverisë ku keni deklaruar se duhet të rregullohet ligji për lojërat e fatit, gjë që edhe ne e kemi përkrahur dhe ju kemi ofru bashkëpunim”, thuhet mes tjerash në reagimin e Veliut.

Ky është reagimi i potë i Istref Veliut:

Si kryetar i “Shoqatës së Lojërave të Fatit”, në emër të këtyre bizneseve për shkak të pozicionit dhe përgjegjësisë që mbajë , e ndjejë për obligaim të jap një sqarim ( përgjigje) për Avdullah Hotin dhe tendencën e tij që të shfrytëzojë situatën e rasteve që ndodhën në dy lokale të lojërave të fatit, për përfitime personale politike.

Është e turpshme z.Hoti që viktimat t’i përdorni si arsyetim për thirrjen e një seance të jashtëzakonshme për mbylljen e lojërave të fatit.

Sa për sqarim të opinionit, pothuajse që nga paslufta përveç këtyre dy rasteve, nuk ka pasur asnjë rast të krimeve në bizneset e lojërave të fatit.

z.Hoti ju me vetëdije duke e ditur ndjeshmerin e këtij biznesi po e shfrytëzoni situatën politikisht dhe po mendoni se do të përfitoni në opinion.

z. Hoti po ju rikujtojë se për ju do të duhej të ishte me shqetësuese gjendja e sigurisë në vend, grabitjet në institucionet bankare ( ju ftoj personalisht t’i shihni videot që posedojmë ku shihen njerëzit duke përplasur punëtorët në disa biznese të lojërave të fatit) , skandalet në institucionet e sigurisë, rasti i policit në Istog, rasti në institucionin më të lart të sigurisë AKI-së madje brenda objektit të këtiji institucioni.

Me logjikën tuaj z.Hoti pas këtyre rasteve bankat do të duhej të mbyllen bashkë edhe me këto institucione të sigurisë.

Po ju kujtojë edhe një iniciativë tuajën në kohën kur keni qenë pjesë e qeverisë ku keni deklaruar se duhet të rregullohet ligji për lojërat e fatit, gjë që edhe ne e kemi përkrahur dhe ju kemi ofru bashkëpunim ( për vërtetësin e kësaj po ju bashkangjes një shkrim ku citoheni ju).

z.Hoti për shkakë të pozitës që mbani mos u mundoni që të hedhni mjegull , mos u mundoni që ti kriminalizoni të gjithë.

Dhe në fund edhe njehërë z.Hoti ju rikujtojmë që krjet kjo iniciativë e juaja është për një shoë në parlament ku do të mundoheni që opinonin ta orientoni në tema të tjera e t’i ikni dështimeve dhe situatës së pasigurt që e keni krijuar.

Me respekt Istref Veliu, kryetar i Shoqtatës së Lojërave të Fatit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...