Sipas “Telegrafit” serb, presidenti amerikan Donald Tramp ka caktuar datën 25 gusht 2020 si afatin e fundit të zgjidhjes së çështjes së Kosovës dhe aty përfshihet edhe marrëveshja për përcaktimin e kufirit, përcjell “Bota sot”.
Telegrafi serb shkruan se sipas burimeve nga ShBA, Tramp ka vendosur si datën e fundit të zgjidhjes gushtin e vitit që vjen dhe nuk përjashtohet asnjë opsion sikurse as ai i përcaktimit të kufirit.
"Afati i fundit i vendosjes së pikës në nyjën e Kosovës është 25 gushti i vitit të ardhshëm, pikërisht dy muaj para zgjedhjeve presidenciale në ShBA (nëntor), kur Donald Tramp do të përpiqet edhe për një mandate tjetër në Shtëpinë e Bardhë", shkruan sot gazeta beogradase.
Telegrafi serb vlerëson se duke marr parasysh se për Tramp në fushatën pasuese është shumë e rëndësi secila fitore në politikën e jashtme, “është e qartë se zgjidhja e çështjes së Kosovës, që në vizionin e Tramp është ndarja e Kosovës, do të ishte skenar ideal".