Drita Nikoliqi Binaj dhe lirizmi i saj me cilësi të lartë

Libra

Drita Nikoliqi Binaj dhe lirizmi i saj me cilësi të lartë

Nga: Baki Ymeri Më: 1 janar 2022 Në ora: 06:45
Ballina e librit

Poezia femërore nxjerr në pah identitetin e vet nëpërmjet frymëzimeve të larta dhe krijimeve lirike që përqafojnë realitetin e një ndjeshmërie brilante që modifikon të dhënat e dashurisë tokësore dhe besimit në Zot. Drita Binaj na dhuron një poezi tipike femërore, duke u radhitur në korpusin pragmatik të  emrave më të njohur të poezisë shqipe. Lirizmi i saj është është një vlerë tipologjike konstante. Lirikat e Dritës na japin harmoni dhe ekuilibër, një  strukturë tiplogjike përmes frymëzimeve të vetëdijes së akteve ekzistenciale,  dhe parashikimeve të moderuara imagjinare. Poezia e saj mbetet në vetëdije si një kujtesë dinamike, me subjekte mbresëlënëse si natyra, dielli, fusha, acari, stuhia dhe dashuria që duket si një nuse e ndritshme që fluturon nga gëzimi.

Monedha me buzëqeshjen e fjalëve duket se ka ardhur në botë për të sjellë gëzim dhe bukuri, që të vishen shpirtrat tanë në mjaltin e fjalëve. Nëpërmjet hyjnores së poezive të saj, Drita N. Binaj pushton simpatinë dhe admirimin e lexuesve, të shkrimtarëve dhe atdhetarëve. Shpirti është tema kryesore e poezisë. Poezitë e saj paraqesin një ishull të paqes, të mirësisë dhe dashurisë, të një bote ku shpresat dhe ëndrrat shndërrohen në një mirazh që poezisë i jep jetë. Imagjinata e Dritës, ndonjëherë e zhytur në mendime, ndonjëherë e reflektuar në sipërfaqe, ndonjëherë e fshehur, është e thellë, e rrumbullakët dhe e ndritshme si perlat, me rrezatime dhe me një ngarkesë të lehtë të energjisë hyjnore.

Poezia e Dritës është ajo që ne e duam, diçka që na ndihmon të ndjejmë një frymë të re, diçka që na siguron, na harmonizon dhe na frymëzon.Lirika e saj është një bibliotekë sentimetesh letrare, një burim i kristaltë, i rrjedhshëm, meditativ, erotik, psikologjik dhe filozofik. Poetja ka arritur një thjeshtësi të shquar, një aftësi për qartësi dhe për një muzikalitet të shkëlqyer. Poezia është testament i jetës, i miqësisë dhe dashurisë. Ky libër me perla poetike, ka një aromë delikate që buron nga një lirizëm me cilësi të lartë, që dëshmon se  poetja e ka përvetësuar dhe përsosur stilin e saj. Hyjnia e vërtetë gjendet në ligjet e materies që rregullon ekzistencën e universit dhe me të, edhe ekzistencën e njerëzimit me rrënjët e shenjta. Një zgjerim i tillë i shkëlqyer është një certifikatë brilante e elegancës dhe performancës.

Image
Drita Nikoliqi Binaj

Drita Binaj dallohet përmes një reflektimi të thellë. Në vargjet e saj  modifikon ligjet e natyrës dhe etapat e tyre. Dritat, heshtjet dhe shpirti, janë  elemente të përbashkëta me risi që gërshetohen me lumturinë e një akti sentimental, me dashuri dhe pa defekte.  Ligjërimi poetik i Dritës fokusohet në fusha të vendosura në afërsi ekzistenciale dhe më gjerë, ku të gjitha të dhënat e nevojshme për një ideal të sinqertë, vijnë para nesh në një formë të tradicionalizmit, romantizmit dhe realizmit. (Bukuresht, Dimër 2022)

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat