Ish Ministri i Financave në Maqedoni, Xhevdet Hajredini që në opinion njihet si një nga ish funksionarët e rrallë shqiptarë që në vitet 90-ta ka ushtruar funksionon të lartë shteteror por nuk ka abuzuar me pushtetin, me shumë të drejtë komenton moralin politik të atyre që punojnë në marrjen e kompetencave të Prokurorisë Speciale Publike.
Hajredini thotë se erdhi puna që të akuzuarit nga Prokuroria Speciale të vendosin mbi fatin e saj dhe marrjen e kompetencave.
Ja komenti i plotë:
“Maqedonia erdhi në situatë për fatin e Prokurorisë Speciale të vendosin pikërishtë ata, fati politik i të cilëve varej dhe shpresojmë se edhe në të ardhmen do varet, nga puna e saj”.
“Kjo njëkohësishtë, do të thotë se Fatime Fetai, kur për disa nga këta hapi procedurë hetimore, nuk e paska gabuar adresën e tyre, sikur pohonte njëri mes tyre”.