Filipçe: Janë blerë 12 makina për Ndihmën e Shpejtë, por mungon kuadri - Bota Sot
Filipçe: Janë blerë 12 makina për Ndihmën e Shpejtë, por mungon kuadri

Maqedonia

Filipçe: Janë blerë 12 makina për Ndihmën e Shpejtë, por mungon kuadri

Më: 19 mars 2019 Në ora: 14:03
Venko Filipçe

“Blerja e makinave për Ndihmën e Shpejtë ka përfunduar dhe presim që deri në fund të muajit të arrijnë 12 makina, të cilat do të vendosen në gjithë shtetin, ndërsa më shumë në Shkup. Me vendim të qeverisë do të marrim tetë furgonë nga Ministria e Bujqësisë, të cilët kanë qenë të destinuar për qëllime tjera, por do të mund të përdoren si mjete për ambulancën”.

Këtë e deklaroi sot ministri i Shëndetësisë Venko Filipçe, duke shtuar se me tetë furgonët pritet të plotësohet numri i shërbimeve të Ndihmës së Shpejtë në gjithë shtetin.

Filipçe tha se problem nuk janë vetëm makinat, por edhe kuadri. Ai njoftoi se pas zgjedhjeve presidenciale 40 mjekë do të pranohen në Shtëpinë e Shëndetit në Shkup dhe vende tjera të shtetit.

“Jam krenar që gjithë mjekët e rinj pas licencimit dhe përfundimit të stazhit në Odën e Mjekëve do të kenë mundësi për vende pune në këto shërbime. Do të thotë gjithë mjekët që do të përfundojnë në shtetin tonë, do të kenë mundësi të bëjnë praktikë të paguar prej gjashtë muajve”, tha Filipçe.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...