Ministria e Punës dhe Politikës Sociale thotë se masa për pagesën për fëmijën e tretë nuk i jep rezultatet në rritjen e natalitetit.
Sipas të dhënave, thonë nga MPPS, nataliteti në Maqedoni në vitin 2010 ka qenë 11.8%, ndërsa në vitin 2017 ka qenë 10.5%.
Kjo masë, shtojnë nga MPPS, ka pasur mundësi që 10 vite të zbatohet, por vërehet se nuk jep rezultate. Bashkërisht me numrin e shfrytëzuesve të masës, rriten edhe shpenzimet e shtetit. Edhe pse nataliteti është ulur, Qeveria ka shpenzuar 208 milion euro për pagesën e shtesës për fëmijën e tretë dhe të katërt.
“Të gjithë këto të dhëna konfirmojnë se masa për fëmijën e tretë është joefikase dhe e dizajnuar keq që nga fillimi. Kështu, për shembull, shtesë për fëmijën e tretë kanë marrë familje që kanë pasur gjendje të mirë ekonomike dhe nuk kanë pasur asnjë kufizim për ato që kanë të hyrë të madha”, thonë nga MPPS.