Ministrja për Punë dhe Politikë Sociale, Mila Carovska sot në Gjenevë mori pjesë në forumin rajonal të UNECE 2019: mësim të shoqërueshëm për një të ardhme të qëndrueshme. Ajo ishte pjesë e diskutimeve për zhvillimin e hershëm të fëmijërisë në të cilën foli për hapat konkret që i ka ndërmarrë Qeveria për krijimin e kapitalit cilësor njerëzor.
“Investimi në zhvillimin e hershëm të fëmijërisë është një nga prioritetet e larta të Qeverisë së Republikës së Maqedonisë së Veriut, prandaj kemi siguruar buxheti prej 300% më shumë për ndërtimin e çerdheve. Çdo fëmijë duhet të ketë të njëjtin fillim në jetë, ndërsa çerdhet duhet të jenë të hapura për të gjithë, sepse zhvillimi i hershëm i fëmijërisë është çelësi për krijimin e kapitalit njerëzor cilësor në të ardhmen”, tha Carovska.
Nga Ministria e Punës dhe Politikës Sociale njoftojnë se para forumit, ministrja Carovska realizoi takim me drejtorin rajonal të UNICEF-it Afshan Kahn për të diskutuar për bashkëpunimin me UNICEF-in, zhvillimin e hershëm të fëmijërisë, reformën sociale dhe procesin e deinstitucionalizimit.
Në forumin në Gjenevë morën pjesë mbi 600 përfaqësues të qeverive, organizatave qytetare, akademikë dhe pjesëtarë nga sektori privat.
