Maqedoni, linjë telefonike falas për paraqitjen e shkeljes së të drejtës së votës - Bota Sot
Maqedoni, linjë telefonike falas për paraqitjen e shkeljes së të drejtës së votës

Maqedonia

Maqedoni, linjë telefonike falas për paraqitjen e shkeljes së të drejtës së votës

Më: 19 prill 2019 Në ora: 11:45
Linjë telefonike

Në zyrën e Avokatit të Popullit të dielën nga ora 7:00 deri në orën 19:00 do të funksionojë linja telefonike falas: 0800-54321, ku qytetarët mund të paraqesin çfarëdo shkelje të të drejtës së votës.

Siç njoftojnë nga zyra e Avokatit të Popullit, të hapura për qytetarët do të jenë shtatë zyrat e Avokatit të Popullit në Shkup, Manastir, Kërçovë, Tetovë, Kumanovë, Strumicë dhe në Shtip, ndërsa qëllimi i kësaj është të mbrohen të drejtat e votimit. Krahas zyrave, në linjën falas qytetarët mund t’i paraqesin problemet në numrat e telefonit: Tetovë 044 344-082, Strumicë 034 329- 996, Kërçovë 045 228-586, Manastir 047 242-310, Shtip 032 389-701 dhe Kumanovë 031 431-488.

Ata shtojnë se Avokati i Popullit të drejtat e qytetarëve i mbron me ndërmarrjen e masave të menjëhershme për veprim efektiv nga ana e organeve kompetente në procesin zgjedhor dhe institucionet tjera që kanë të bëjnë me sigurimin e të drejtave të tyre të garantuara.

Avokati i Popullit potencon se e drejta e votimit është e drejtë kushtetuese që realizohet në zgjedhje të lira me votim të fshehtë dhe se askush nuk guxon të thirret në përgjegjësi për arsye të realizimit të kësaj të drejte.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...