Ministria e Drejtësisë do të konsultohet për ndikimin e vendimit të Janevës për transferimin e rasteve të PSP-së - Bota Sot
Ministria e Drejtësisë do të konsultohet për ndikimin e vendimit të Janevës për transferimin e rasteve të PSP-së

Maqedonia

Ministria e Drejtësisë do të konsultohet për ndikimin e vendimit të Janevës për transferimin e rasteve të PSP-së

Më: 4 shtator 2019 Në ora: 18:20
Maqedoni

Ministria e Drejtësisë do të konsultohet për ndikimin e autorizimit të dhënë nga prokurorja speciale Katica Janeva që të gjitha lëndët e PSP të transferohen në Prokurorinë Publike të RMV-së për negociatat mbi ligjin e ri për Prokurorinë Publike.

“Deri në këtë periudhë Ministria e Drejtësisë nuk ka komentuar vendimet gjyqësore dhe prokuroriale, por në çdo rast duhet të konsultohemi se çfarë ndikimi do të ketë kjo në disa dispozita në ligjin për të cilin po debatojmë dhe nëse ato duhet të ndryshohen”, thonë nga Ministria e Drejtësisë.

Gjyqtari i procedurës paraprake nga Gjykata Themelore e Shkupit dorëzoi sot në Prokurorinë Publike të Republikës së Maqedonisë së Veriut një raport nga prokurori publik për ndjekje penale të veprave të ndërlidhura që burojnë nga përmbajtja e përgjimeve të paligjshme të komunikimeve të marra nga burgu i Shkupit. Nga Prokuroria Publike Republikane në një deklaratë për mediat tha se ata do të konsiderojnë këto parashtresa, pas së cilës publiku do të informohej.

Më herët këtë mëngjes, prokurorja speciale Katica Janeva, e cila është në paraburgim në burgun e Shkupit si e dyshuar për rastin “Haraçi”, dha autorizim që të gjitha rastet e PSP-së të dorëzohen në Prokurorinë Publik të RMV-së.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...