30 vjeçarja nga qyteti i Gostivarit ka raportuar në polici një shkelje ligjore për dëmtim privatësie dhe imazhi, nga ish i dashuri i saj, i cili i ka publikuar të njejtës fotografi eksplicite.
“Një grua 30-vjeçare nga Gostivari dje më datë 30 maj, në ora 15:45 në Sektorin për Punë të Brendshme në Tetovë ka raportuar se një burrë nga Kërçova, rreth tridhjetë vjeçar, me të cilin kishte qenë në lidhje dashurie dhe të cilit i kishte borxh, ka krijuar një profil të rremë në një rrjet social dhe ka postuar dy nga fotografitë e saj me përmbajtje eksplicite dhe komprometuese”, thonë nga MPB.
Prej atje bëjnë me dije se rasti është duke u zbardhur dhe dokumentuar.
