LSDM: Gjithmonë në momente vendimtare për Maqedoninë, Mickoski mundohet t’i dëmtoj interesat shtetërore

Maqedonia

LSDM: Gjithmonë në momente vendimtare për Maqedoninë, Mickoski mundohet t’i dëmtoj interesat shtetërore

Më: 5 korrik 2022 Në ora: 12:42
Foto ilustrim

Partia në pushtet, LSDM thotë se asesi nuk mund të arsyetohen veprimet e liderit të partisë opozitare OBRM-PDUKM që i bën si formë revolte dhe mos pranimi ndaj propozimit francez.

Është fals dhe hipokrit shqetësimi i pretenduar i Hristian Mickoskit dhe partisë së tij për propozimin francez. Edhe pse gjatë procesit i’u ofrua, Mickoski refuzoi që OBRM-PDUKM të marrë pjesë në grupet punuese për kontestin me Bullgarinë”, thonë nga LSDM.

Sa herë që shteti përfshihet në proceset kyçe për të ardhmen evropiane, Mickoski dhe OBRM-PDUKM qëndrojnë anash, përhapin lajme të rreme dhe i dëmtojnë pozitat dhe interesat e shtetit. Kështu është edhe tani që e kemi propozimin për fillimin e negociatave me BE-në, me të cilin kemi një formulim të pastër në gjuhën maqedonase, pa fusnota, kur çështjet historike nuk janë më pjesë e procesit të negociatave. Kur një proces i gjerë dhe gjithëpërfshirës konsultimi është duke u zhvilluar, Mickoski bën propozime të vonuara dhe organizon protesta të dhunshme. Edhe një herë dëshmon në veprime se për të nuk janë aspak të rëndësishme interesat e shtetit dhe të qytetarëve, por me vetëdije vepron për interesat e dikujt tjetër. Qytetarët e shohin dhe do ta vlerësojnë sjelljen e tillë të papërgjegjshme antishtetërore të Mickoskit”, thuhet mes të tjerash në kumtesën e LSDM-së.

Kujtojmë se mbrëmë simpatizantë të OBRM-PDUKM-së dolën në protestë para objektit të qeverisë kundër propozimit francez, cili sipas tyre do ti asimiloj ata dalë ngadalë në bullgar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat