MPB: Nuk ka pasur kërcënime dhe sulm ndaj policëve në Haraçinë

Maqedonia

MPB: Nuk ka pasur kërcënime dhe sulm ndaj policëve në Haraçinë

Më: 3 dhjetor 2022 Në ora: 15:29
Foto ilustrim

MPB-ja, pas kontrolleve të detajuara nga SPB-Shkup dhe kontrolli i brendshëm, i ka quajtur dezinformata njoftimet se zyrtarë të policië janë sulmuar në Komunën e Haraçinës

“Nga kontrollet e kryera është konstatuar se më 30.11.2022 tre zyrtarë të policisë kanë ndaluar një automjet “Folksvagen” që drejtohej nga një i mitur, por nuk kanë ndërmarrë veprimet e nevojshme, për çka kundër tyre janë ngritur nisma për procedura disiplinore, kurse pas bisedave zyrtare tre zyrtarët e policisë mohojnë se kanë pasur kërcënime dhe presione” – thonë nga MPB.

Policia ka bërë thirrje që para se të kontrollohen faktet të mos publikohen dezinformata që shqetësojnë qytetarët.

Disa media më 1 Dhjetor kishin njoftuar se në Haraçinë të Shkupit, katër policë në një postbllok policer kanë ndaluar një automjet që drejtohej nga një person pa dokumente valide. Personi, sipas shkrimeve të mediave, ka ofenduar policët pas cka ka ikur nga vendngjarja.

Lidhur me këtë ngjarje, në polici janë ftuar një I mitur 17-vjecar dhe babai i tij nga Saraji I Shkupit. I mituri ka sqaruar veprën dhe do të përgjigjet për shkak të vozitjes pa patent shoferi, kurse prindi për shkak se e ka lejuar këtë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat