Qeveria mbledhje urgjente për krizën tregtare me Kosovën - Bota Sot
Qeveria mbledhje urgjente për krizën tregtare me Kosovën

Maqedonia

Qeveria mbledhje urgjente për krizën tregtare me Kosovën

Më: 10 shtator 2013 Në ora: 10:50

(E plotësuar) Qeveria e Maqedonisë ka nisur një mbledhje urgjente për të shqyrtuar situatën e krijuar lidhur me embargon dhe ‘luftën’ tregtare me Kosovën.

Nga Qeveria informuan se mbledhja në ora 11.00 është thirrur nga kryeministri Nikolla Gruevski, i cili siç mësohet ka disa opsione për të vendosur lidhur me situatën e krijuar me vendin fqin, pas vendosjes së embargos së plotë nga pala e Kosovës për prodhimet e Maqedonisë si dhe nga ana tjetër, vendosjen e taksës kufitare për shtetasit e Kosovës nga ana e autoriteteve të Shkupit.

Zëdhënësi i Qeverisë, Muhamed Hoxha theksoi se në këtë mbledhje do të shqyrtohet edhe informata e ministrit të Ekonomisë, Valon Saraqini, pas takimit të djeshëm në Prishtinë më ministrat homolog të Kosovës.

“Në këtë mbledhje do të shqyrtohet edhe informata e ministrit Saraqini, se çfarë është diskutuar dhe ka dalur si vlerësim nga takimi në Prishtinë me zëvendëskryeministren dhe ministren e tregtisë dhe industrisë të Kosovës, Mimoza Kusari – Lila”, ka theksuar zëdhënësi Hoxha.

Në ora 11 takohet qeveria rreth krizës me Kosovën

Për sot në ora 11 është caktuar takimi i qeverisë në të cilën do të vendoset mbi masat e mëtejme pas eskalimit të luftës tregtare me Kosovën.

Kosova dhe Maqedonia dje nuk arritën marrëveshje për heqjen e embargos për mallrat maqedonase të vendosur nga qeveria kosovare dhe për heqjen e kufizimeve tregtare dhe taksave për udhëtarë të vendosura nga pala maqedonase.

Sot mund të lexoni Shfletoni kopertinat