Kryeministri grek Aleksis Tsipras dhe kancelarja gjermane Angela Merkel, sot në Bruksel kanë mbajtur takim të shkurtë, në të cilin kanë biseduar për vizitën e Zoran Zaevit në Berlin dhe çështjen e emrit të Maqedonisë.
Mediat greke shkruajnë se Merkel ka thënë se do të vazhdojë inkurajojë të dy palët që të arrijnë marrëveshje, ndërsa Tsipras ka përsëritur vendosmërinë e palës greke për të arritur zgjidhje të qëndrueshme, stabile dhe të pranueshme.
Më herët nga mediat greke u njoftua se pas takimit me kryeministrin e Maqedonisë, Zoran Zaev, kacelarja gjermane ka thënë se situata në Maqedoni është e qetësuar në nivel të lartë dhe se vendi është futur në fazën e stabilizimit.
Nga kabineti i kryeminitrit grek, Tsipras, bëjnë të ditur se çështja e emrit ka qenë tema kryesore e bisedës telefonike mes Merkelit dhe Tsipras, që ndodhi një ditë përpara vizitës se kryesministrit Zoran Zaev në Berlin dhe takimit të tij me kancelaren gjermane, Angela Merkel.
