Këngëtarja e njohur, Samanta Karavella, ka qenë mbrëmjen e së hënës e ftuar në emisionin “Në kurthin e Piter Pan”.
Ajo është përballur me pyetjet e ndryshme e të sinqerta të fëmijëve që janë pjesëmarrës këtë sezon. Madje një vogëlushe është shprehur se ka dëshirë që ta njohë këngëtaren me dajën e saj, i cili është beqar.
“Samanta a je beqare se edhe unë e kam dajën tim beqar? A e do numrin e telefonit?”,- është pyetja e drejtuar nga Herla.
Samanta edhe pse nuk i ka mbajtur dot të qeshurat, ka vijuar bisedën me vajzën bukuroshe. “Po hë njëherë, t’i marrim këto informacionet e para. Çfarë pune bën daja? Sa vjeç është? Është tamam për mua?”, ka thënë duke qeshur këngëtarja.
