Prokuroria Themelore në Pejë ka ngritur aktakuzë ndaj zyrtarit doganor V.T, për shkak të dyshimit se ka kryer veprën penale të marrjes së ryshfetit dhe atë të keqpërdorimit të detyrës zyrtare.
Së bashku me të po akuzohet edhe një qyetar, i cili dyshohet se ka kryer veprën penale të dhënies së ryshfetit.
Lajmin për “Betimi për Drejtësi” e ka konfirmuar prokurori i rastit, Haxhi Sinanaj.
Prokurori Sinanaj bëri të ditur se zyrtari doganor akuzohet se ka marrë 50 euro ryshfet nga qytetari në fjalë.
Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës së prerë.
