Ministri turk i Shëndetësisë: 3 vaksina joaktive, të gatshme për prova njerëzore

Shëndetësia

Ministri turk i Shëndetësisë: 3 vaksina joaktive, të gatshme për prova njerëzore

Më: 6 janar 2021 Në ora: 09:45
Foto ilustrim

Ministri i Shëndetësisë i Turqisë, Fahrettin Koca, ka bërë të ditur se tre kandidatë joaktivë të vaksinave kundër koronavirusit të ri (COVID-19) janë të gatshme për prova njerëzore.

Koca tha se 17 kandidatë të ndryshëm të vaksinave COVID-19 janë duke u zhvilluar në Turqi dhe se midis tyre “tre nga vaksinat tona kandidate kanë aplikuar në Agjencinë Turke të Barnave dhe Pajisjeve Mjekësore për fillimin e provave në njerëz”.

“Vaksina jonë joaktive që është në fazën e eksperimentit njerëzor është e gatshme të fillojë ‘fazën 2’. Ajo pritet të fillojë ‘fazën 3’ në muajin prill”, njoftoi Koca.

Koca njoftoi se një vaksinë e Grimcave të Ngjashme me Virusin (VLP), e cila është unike në botë ka arritur nivelin për prodhim për hulumtime dhe aplikim për testime mbi njerëz.

Ai tha se kapaciteti shkencor i Turqisë është kompetent për të kryer aktivitete hulumtuese dhe zhvillimore për të gjitha llojet e vaksinave.

“Besoj se sfondi shkencor dhe teknik i vendit tonë, si dhe ambicia dhe përpjekjet e shkencëtarëve tanë do të na sjellin vaksinat më të mira”, tha Koca.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat