Si prindër, shpesh i refuzojmë kërkesat e fëmijëve të vegjël që të kenë një qen – sepse i konsiderojmë vetëm si obligim. Mirëpo, psikologët e thonë të kundërtën
Pikërisht, ekspertët theksojnë që rritja e fëmijëve pranë qenit ka përfitime të shumta.
Qenushët sjellin çdo ditë shumë dashuri dhe lumturi, sigurisht edhe pak çmenduri, gjithashtu… Po, po nëse gjërat nuk menaxhohen siç duhet, kafshët mund të sjellin edhe stres në të njëjtën kohë.
Ne po ju paraqesim katër përfitimet më të rëndësishme.
Rezistues ndaj alergjive dhe astmës
Fëmijët të cilët rriten me qen janë më pak të rrezikuar që të sëmuren nga astma apo të zhvillojnë alergji, kanë treguar hulumtime të shumta shkencore.
Përgjegjësi dhe vetëbesim
Fëmijët jo vetëm që mësojnë se çfarë është përgjegjësia, por edhe forcojnë vetëbesimin kur janë me kanakarin e tyre. Kur fëmijët janë të suksesshëm në kujdesin rreth kanakarit, janë krenarë për veten dhe ndihen mirë.
Si shpërblim, u rritet vetëbesimi
Ndikimi pozitiv Si edhe të rriturit, edhe fëmijët i kanë ditët e këqija dhe atëherë u përkushtohen kanakarëve të tyre. Qëndrimi në shoqërinë e tyre i qetëson dhe ua përmirëson humorin.
Loja, pse është kaq e rëndësishme?
Loja e fëmijëve dhe një qeni është gjëja më e ëmbël që do të shihni çdo ditë nëse merrni një qen për fëmijën tuaj. Ju gjithmonë do të doni t’i mbani mend ato momente të ëmbla si një kujtim të qëndrueshëm.
Çfarë aftësish të tjera mund të fitojnë ndërkohë që rriten?
Një qen i rritur mirë është një mik besnik për gjatë gjithë jetës, kjo mund të jetë shumë e dobishme veçanërisht nëse keni një fëmijë të vetëm ose një fëmijë i cili zakonisht është i qetë dhe i rezervuar. Me siguri, shpesh mund ta gjeni fëmijën tuaj duke i pëshpëritur në vesh qenit dhe duke i treguar atij sekretet e zemrës që nuk do t’ia tregonte askujt tjetër, aq më pak prindërve të tij.
Këtu nuk ka asgjë për t’u shqetësuar: thjeshtë fëmija juaj është duke mësuar rëndësinë e dashurisë dhe të miqësisë, dy gjëra të cilat pa dyshim janë elementët thelbësorë për një jetë të lumtur.
