Një rutinë e qëndrueshme e mbylljes çdo ditë mund t'ju ndihmojë të bini në gjumë më shpejt dhe me siguri. Provoni një ose të gjitha sjelljet e mëposhtme relaksuese për një natë të qetë.
Bëni një banjë me ujë të nxehtë
Temperatura juaj bie natyrshëm gjatë natës, duke filluar dy orë para gjumit dhe duke u ulur në orën 4 të mëngjesit ose 5 të mëngjesit, sipas një studimi të vitit 1997 të kryer nga Qendra Mjekësore e Spitalit të Nju Jorkut-Cornell. Kur zhyteni në një vaskë të nxehtë, temperatura juaj rritet dhe periudha e shpejtë e ftohjes menjëherë pas kësaj ju relakson.
Kujdesuni për ndriçimin e ambientit tuaj
Në mbrëmje vonë, trupi juaj çliron melatoninën kimike, e cila ju bën të përgjumur por vetëm nëse merr sinjalet e duhura nga mjedisi juaj.Prandaj, krijoni një ambient me pak ndriçim.
Flini gjithmonë me pizhama
Ju mund ta ndihmoni trupin tuaj të kuptojë se koha e gjumit është e afërt duke vendosur rutina dhe duke i përsëritur ato çdo natë. Veshja e pizhameve, larja e flokëve ose dhëmbëve këto zakone mund të jenë shumë të favorshme për t'i dhënë sinjalet trurit për gjumë”.
Shmangni stimuluesit
Mos konsumoni pije apo produkte të tjera që stimulojnë energji në mbrëmje. Kafeina, nikotina janë ndër stiuluesit më të përdorur, të cilët duhen reduktuar në orët para gjumit.
Fikni pajisjet dixhitale
Mund t'ju duket relaksuese të bëni komunikime me miëtë para gjumit, por ekranet e ndezur janë stimuluese kështu që është më mirë t'i shmangni ato.
Vishni çorape në shtrat
Nëse këmbët e ftohta ju mbajnë zgjuar, veçanërisht gjatë dimrit, ngrohini ato me një palë çorape të buta. Kjo do të ndihmojë në përmirësimin e qarkullimit e gjakut në ekstremitetet tuaja, gjë që mund t'ju ndihmojë të bini në gjumë më shpejt.
Kufizoni ushqimin dhe pijet në mbrëmje
Një vakt në sasi të madhe ose me përbërës të rëndë afër kohës së gjumit mund ta lërë sistemin tuaj të tretjes të punojë jashtë orarit ndërsa pjesa tjetër e trupit tuaj qëndron zgjuar. Dhe alkooli me darkë mund t'ju bëjë të përgjumur, por do të prishë modelet tuaja të gjumit më vonë gjatë natës dhe do t'ju pengojë të arrini gjumin e thellë, që i nevojitet trupit për të rifituar energji.
