Sipas studimeve të reja në Universitetin e Gjeorgjisë, tregojnë se pak stres në fakt mund të jetë shumë i dobishëm si për trupin ashtu edhe për trurin.
Kur jemi të stresuar, zakonisht jemi të detyruar të përballemi me situata të paparashikueshme ose të tensionuara që mund të turbullojnë trupin tonë fizikisht. Ndërsa këta skenarë nuk janë pothuajse asnjëherë argëtues për momentin, ato shërbejnë për të na larguar nga zonat tona të rehatisë – dhe kjo mund të jetë një gjë e mirë për mendjen. Studiuesit thonë se nivelet e ulëta deri në mesatare të stresit duket se nxisin përmirësimin e kujtesës së punës.
Ekipi hulumtues analizoi një seri skanimesh MRI të mbi 1000 njerëzve nga një sërë prejardhjesh racore dhe etnike. Rezultatet tregojnë se njerëzit që përjetuan nivele të ulëta deri në mesatare të stresit kishin aktivitet të shtuar në pjesët e trurit të tyre të përfshirë me kujtesën e punës. Anasjelltas, ata që merren me nivele të larta kronike të stresit treguan një rënie në të njëjtat zona të trurit.
Subjekteve të studimit iu bënë pyetje rreth asaj se sa shpesh përjetonin mendime ose ndjenja të caktuara. Për shembull, “Në muajin e fundit, sa shpesh jeni mërzitur për shkak të diçkaje që ndodhi papritur?” dhe “Në muajin e fundit, sa shpesh keni parë se nuk mund të përballonit të gjitha gjërat që duhej të bënit?”
Rrjetet sociale të pjesëmarrësve u analizuan gjithashtu nëpërmjet një sërë masash të ndryshme. Shembujt përfshijnë mënyrën se si ata ndiheshin për aftësinë e tyre për të trajtuar ngjarje të papritura, sa të kënaqur ishin që jeta e tyre kishte rëndësi ,kuptim dhe disponueshmërinë e mbështetjes së bazuar te miqtë në rrjetet e tyre sociale .
Për të vlerësuar kujtesën e punës, subjekteve iu shfaqën një seri prej katër llojesh imazhesh të gjërave si mjetet dhe fytyrat e individëve. Pastaj, më vonë atyre iu kërkua të mbanin mend nëse ishin të njëjtat foto që ishin shfaqur më parë. Autorët e studimit analizuan MRI-të që tregonin trurin e subjekteve teksa kryenin detyrat.
Veçanërisht, njerëzit që raportuan nivele të larta të mbështetjes sociale nga miqtë dhe familja ishin më të aftë të përballonin nivelet e stresit të ulët deri në mesatar në një mënyrë të shëndetshme.
