Efektet e konsumimit të një avokadoje në ditë

Shëndetësia

Efektet e konsumimit të një avokadoje në ditë

Më: 29 nëntor 2022 Në ora: 11:51
Foto ilustrim

Nëse veç ju pëlqen të konsumoni avokado, atëherë nga ky moment mund ta konsideroni atë si investim për shëndetin e zemrës.

Në një studim të publikuar në revistën “Journal of Nutrition”, hulumtuesit kanë zbuluar se konsumimi i një avokadoje në ditë jua përmirëson nivelet e “kolesterolit të keq”.

Në këtë rast, kolesteroli i referohet LDL-së, i cili e rritë dukshëm rrezikun e arterosklerozës apo pllakave që ndërtohen brenda artereve, e të cilat jua rrisin rrezikun për sulm në zemër dhe tru.

Pas eksperimenteve të kryera për një periudhë 15-javore, ekspertët kishin konstatuar se dieta me avokado është më e shëndetshmja.

Pas pesë javëve që kishin konsumuar avokado çdo ditë, pjesëmarrësit kishin pasur dukshëm nivel më të ulët të LDL-së sesa para fillimit të studimit.

Pjesëmarrësit që kishin konsumuar avokado çdo ditë, po ashtu kishin pasur rritje të nivelit të luteinit për 68% – antioksidant i cili është ndërlidhur me në rrezik më të ulët të sulmit në zemër dhe në tru.

Vlen të ceket se avokadot përmbajnë fibra, yndyra të shëndetshme, kalium, magnez, etj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat