Kush nuk do të dëshironte të qëndronte i ri, aktiv dhe i shëndetshëm për aq kohë sa të jetë e mundur? A ka ndonjë “mashtrim” për ta arritur këtë? Sipas shkencëtarit të Harvardit, David Sinclair, përgjigja është po.
Për të vonuar moshën tuaj biologjike me 30 vjet, duhet të ndiqni pesë rregulla kryesore.
Është e qartë se bëhet fjalë për rregulla që kanë të bëjnë përgjithësisht me mënyrën e jetesës, më saktë një dietë të shëndetshme në të cilën konsumimi i disa ushqimeve dhe pijeve jo të shëndetshme është i kufizuar. Megjithatë, zakoneve të mira të të ngrënit duhet t'i shtohet një dozë e mirë aktiviteti fizik.
Por le të shohim tani se cilat janë pesë këshillat e Sinclair, profesor i gjenetikës në Shkollën Mjekësore të Harvardit, se si ta vonojmë plakjen sa më shumë që të jetë e mundur:
1. Shmangni sheqernat dhe fruktozën
Konsumimi i sheqerit dhe fruktozës përshpejton plakjen dhe rrit rrezikun e sëmundjeve kronike. Sinclair sugjeron të zgjidhni sa më shumë ushqime natyrale, të papërpunuara.
Nga ana tjetër, ëmbëlsuesit natyralë duhet të konsumohen në mënyrë shumë të moderuar, duke shmangur plotësisht pijet me sheqer dhe lëngjet industriale.
2. Shmangni karbohidratet e rafinuara
Pra, jo bukë të bardhë, pasi ka një efekt të ngjashëm në trup si sheqeri. Karbohidratet e rafinuara mund të rrisin shpejt nivelet e glukozës në gjak, duke kontribuar në plakjen dhe një rrezik më të lartë të sëmundjeve të zemrës dhe diabetit të tipit 2.
3. Kufizoni konsumin e mishit të kuq dhe produkteve të qumështit
Është më mirë të reduktoni në mënyrë drastike konsumin e mishit dhe produkteve të qumështit dhe në vend të kësaj të zgjidhni proteinat me bazë bimore si bishtajoret, arrat, farat, tofu, tempeh dhe quinoa.
Disa kërkime tregojnë se konsumimi i tepërt i mishit të kuq dhe produkteve të qumështit mund të rrisë rrezikun e sëmundjeve kronike dhe disa formave të kancerit.
4. Shmangni ushqimet dhe aditivët ultra të përpunuara
Eliminoni ushqimet ultra të përpunuara dhe ato që përmbajnë aditivë, konservues dhe shije artificiale
5. Konsumimi i moderuar i alkoolit
Kufizoni konsumimin e alkoolit dhe nëse duhet të pini alkool, është më mirë të zgjidhni verëra të pasura me resveratrol, si vera e kuqe. Nuk është lajm që konsumimi i tepërt i alkoolit mund të ketë ndikim negativ në shëndet dhe jetëgjatësi.
Krahas këtyre rregullave dietike, Sinclair gjithashtu thekson rëndësinë e ushtrimeve të rregullta fizike. Eksperti rekomandon që të angazhoheni në aktivitet fizik të paktën tri herë në javë, është e rëndësishme të shtyni trupin tuaj në kufi për të paktën 10 minuta në çdo seancë stërvitore.
