Mark Zuckerberg ka vendosur që të dëshmojë para Kongresit amerikan lidhur me skandalin që ka përfshirë Facebook-un pas raportimeve se ky rrjet ka lejuar qasje në të dhënat personale të përdoruesve të tij.
Themeluesi dhe drejtori ekzekutiv do të dëshmojë para ligjvënësve mbi rrjedhën e publikimit të të dhënave, si dhe për politikat e Facebook mbi mbrojtjen e privatësisë.
Burime për CNN konfirmojnë se 33-vjeçari ka vendosur që të dëshmojë para Kongresit amerikan brenda disa javësh dhe Facebook po planifikon strategjinë për dëshminë e tij.
Pas zbulimit të skandalit për përdorimin e të dhënave personale, ka filluar një kampanje që thërret në fshirjen e këtij rrjeti social.
