Apeli i Shkodrës në kolaps për gjyqtarë, 3 vjet për të shqyrtuar një dosje

Shkodra

Apeli i Shkodrës në kolaps për gjyqtarë, 3 vjet për të shqyrtuar një dosje

Më: 18 prill 2021 Në ora: 15:07
Foto ilustrim

Gjykata e Apelit në Shkodër është drejt kolapsit, pasi nga 10 gjyqtarë që ka në organikë, ajo funksionon me vetëm 5 të tillë.

Efekti që ka dhënë kjo situatë shihet tek stoku i dosjeve të krijuara por njëkohësisht edhe tek afati i shqyrtimit të çështjeve, për një pjesë të të cilave ai shkon deri në 3 vite.

Fuat Vjerdha: Është një situatë alarmante ku pritja në Gjykatën e  Apelit të Shkodrës para dy vitesh kur ishim 10 gjyqtarë varionte në 15 muaj maksimumi sot ka arritur në tre vjet.

Por ndërsa kriza është prezente në gjykata për shqyrtimin e dosjeve, ajo mund të thellohet në përmasa të frikshme sipas kreut të Apelit të Shkodrës, nëse vendoset që e gjithë Shqipëria të ketë vetëm një gjykatë Apeli, siç janë hedhur në tryezë propozimet nga Këshilli i Lartë Gjyqësor.

Fuat Vjerdha: Në variantin e parë me tre gjykata të Apelit, Gjykata e Apelit Shkodër mbetet gjithmonë, që për mua është varianti më i mirë. Jam absolutisht kundër një varianti me një Gjykatë Apeli në gjithë Shqipërinë.

Nëse ndiqen proçedurat e deritanishme, Apeli i Shkodrqs mund ta plotësojë organikën e plotë të tij vetëm pas 3 apo 4 vitesh.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat