Gjeti portofolin me 6 mijë euro, 16-vjeçari nga Shkodra ia rikthen turistit italian

Shkodra

Gjeti portofolin me 6 mijë euro, 16-vjeçari nga Shkodra ia rikthen turistit italian

Më: 21 shtator 2022 Në ora: 18:04
Erind Shkambaj

Efektivët e policisë së Shkodrës, u shtangën këtë të diele, kur në dyert e komisariatit u shfaq një i ri që kërkonte të dorëzonte para. 16-vjeçari, Erind Shkambaj, mëngjesin e së dielës ishte nisur si çdo fundjavë tjetër, për në punë por rrugës, gjeti një portofol në tokë. Ai i përkiste turistit italian Claudio Perrinella, i cili ishte ndalur në fshatin e Oblikës në Shkodër, ku banon Erindi, për të blerë diçka dhe pastaj portofoli i kishte rënë nga xhepi.

Në të ishin karta e identitetit, karta të llogarive bankare dhe një shumë prej mbi 6000 eurosh. Bujaria dhe fisnikëria e 16-vjeçarit u shpërblye me vetëm 100 euro nga ana e italianit.

Erindi tregon për Top Channel se në familjen e tij të gjithë janë punëtorë të thjeshte dhe janë mësuar që çdo gjë ta fitojnë me djerse.

Image
Portofoli

I riu gjatë javës vazhdon shkollën e mesme ndërsa në fundjavë punon si ndihmës kamarier në një prej restoranteve në qytet. Pasditeve stërvitet fort me ekipin e Shkodrës me ëndrrën se një dite do të bëhet portier i madh.

commentFirst article
Sot mund të lexoni Shfletoni kopertinat