Kryeministri Edi Rama ka vizituar pasditen e sotme Shkodrën pas përmbytjeve nga reshjet e ditëve të fundit.
Së bashku me Ministren Elisa Spiropali dhe prefekten e qarkut, Majlinda Angoni, Rama pa nga afër situatën.
Sipas kreut të shtetit, krahasuar me vitin 2010 dëmet e shkaktuara nga përmbytjet janë minimale, bazuar në të dhënat e nxjerra nga vetë Bashkia e Shkodrës.
Ai u shpreh se ‘për të vënë duart në kokë’ është shtrembërimi që po i bëhet situatës nga opozita dhe disa media.
“NË SHKODËR tek harku i Bërdicës, ku në krahasim me 2010 situata është përmirësuar tërësisht. Nga 12 mijë banorë të evakuar atëherë, sot vetëm 22, nga 2800 banesa të përmbytura sot asnjë shtëpi e mbuluar nga uji, nga 14 mijë hektarë të përmbytur sot vetëm 1 mijë e 300 hektarë, të gjitha këto sipas të dhënave zyrtare të publikuara nga vetë Bashkia Shkodër”– shkruan kryeministri.
