Muri pranë një shtëpie në Kashar është shembur për shkak të rrëshqitjes së dheut.
Ngjarja ka ndodhur rreth një javë më parë pranë radiostacionit tek rruga “Valiasi”. Në pamjet e siguruara nga Top Channel, duket momenti i frikshëm se si bien disa gurë dhe më pas një sipërfaqe muri, shembet e gjitha.
Mbetet e paqartë se çfarë e ka shkaktuar rrëshqitjen e dherave, ndërsa duket se shtëpia që ndodhet aty pranë është tepër e rrezikuar.
Nuk dihet se kush jeton brenda banesës, por një tjetër rrëshqitje dherash mund të shkaktojë një ngjarje fatale.
